انا فاقد شعور احيان
انا للحب ما اصلح
انا الراحل و انا الولهان
انا الكذاب و الأصرح
انا الواقف على البيبان
و ابي البيبان ماتفتح
انا المجهول و الخسران
انا الفايز و انا الانجح
انا القاسي و انا الوجدان
بها الاسرار ما تُفصح
انا فاقد شعور احيان
انا للحب ما اصلح

شعوري فيه كم انسان
حزين و كان بك يفرح
ابي بكرا و ابي اللي كان
ابي امسي و ابي اصبح
ابي اسف و ابي ندمان
ابي ما ابيك لا تشرح
ابي في نظرتك طغيان
وجرح رقته تجرح


نغيب و نلتقي خلان
عشان الحُب بي يجمح
نعيش بلذة الحرمان
نجرب شوقنا المبرح
ابيك تكون لي اوطان
بها الثورات ما تربح
نقرب نبتعد ازمان
احبك وقت ماتسمح
تعال نضيع بالعنوان
عناوين الهوى تفضح
نغيب و نلتقي خلان
عشان الحُب بي يجمح

تبدل دورك الهيمان
تبدل كل هالمسرح
تكون الشر والشيطان
تصير الطب لو تجرح
تناقض غير الالوان
غوامق خلها افتح
تبسم واحتضن خذلان
و ابكي وقت ما تفرح