فاز بك ياللي تمناك الخيال وما وصلك
ياللي ابعد من حدود الحلم وحدود المنال
من هنا جدك ملك ويم امك لك ملك
ومن هنا عرش الحسن عزة وله هيبة جمال

من ابو خيرين شلتي اسمه اللي مكملك
وخالد اللي عم خيره كل هالدنيا وطال
يالعنود اليوم يومك يا العنود و ما اجملك
زانت الليله بحضورك وش بقى باقي يقال؟


الله اللي زاد زينك و الله اللي كملك
علمي هالكون معنى هالسحابه ماتُطال
الفرح انتي فرحنا و القلوب تفز لك
والف مبروك لسعود اللي كسب بنت الرجال

سعود يا نجل السويلم لو مديحي مد لك
ماوصل اقصى فعولك يوم اقوالك فعال
ياعسى دايم لها وياعساها دوم لك
الله يجمعكم بخير وفرحه وسنينٍ طوال