عوفني وانسى العشگ .. دروح
اشجابلي حبك غير … الجروح
وياك ماشفت الوفا
وعدك بسرعه اختفى
گلبي خنته … وحده عفته
وبيه گلبك مكتفي

اني محتاج شويه … هدوء
ويايه گلبك نيته چانت سوء
صار ادماني القهر
وعيني اذاها السهر
عشت گوه … بحب ميسوه
بارد ومابي دفا

غيب عني فدوه غيب
يا عدو بوجه حبيب
مثل اي واحد غريب
انت صرت ماضي
والماضي بعد
شي ميرجع للأبد
چنت منطيني وعد
بس اكذبت

حرام حبيتك صدگ … حرام
متستاهل هلگد اهتمام
خاني الذوق اعترف
چنت اغار وأرتجف
وچان همي … اتكون يمي
كسر گلبي هالغرام

كافي اريد انسى واضل بعيد
ذكرى منك بعد ما اريد
حلم رجعتنا صعب
عشت وياك برعب
اختلف وضعي … ونشف دمعي
وبعد متهزني بكلام … !؟

الله حب گلبي ونساك
وگمت من وجعت هواك
مختنگ لكن وراك
اتنفست

الفرگه احياناً تجي
ضحكه من بعد البچي
بعد ما اصرف حچي
اني اتعبت

حل مشاكلنا ترى … الغياب …
ايي اهوايه يختصر … عذاب …
ولو انت تستحق … تعيش كل عمرك قلق
وابقه اضحك .. على جرحك
يلي گلبي اوياك ذاب … !؟

بعد ما اضيع وكت … عليك …
يل عيوب الدنيا كلها … بيك … !؟
عبرت نهر الجرح
وطاب من كسره الجنح
وبعد تحلم .. بيك اهتم
وگلبي ينظف بالعتاب … !؟

روح عني ولا تعود
ولا تجاوز الحدود
ذب عليه الله برود
ابفرگتك …

وعلى نيتي جتني هاي
بعد ما اباوع وراي
چانت الفرحه مناي
ابعشرتك … !؟