عرفت ان الوصل بحر
ودريت ان البعد موجه
احاول اوصل لشطّك
يجي بعدك مثل طوفان
انا من وين ما اطقها
كذا دايم تجي عوجه
وكيف ابحِر على مركب
قبل يسري وهو غرقان

احس بنشوة الحب
واحس بحسرة ممزوجة
وكل ما اقرّب لوصلك
اتوه اضيّع العنوان

بغيت امشي طريقي صح
تجيني الدنيا معووجه
عساه يموت احساسي
وتكبر نعمة النسيان

كرهت العشق واحساسه
كرهت الحب وهروجه
انا بالنسبه لي حبك
حكاية كان ياما كان
اذا كل الطرق عثرى
ابد ما اسلك افجوجه
ملكت السحب في يدّي
وانام الليل وانا عطشان