like-empty

كلمات

klmat.com

sun

على كثر السنين

على كثر السنين اللي عرفتك ماعرفتك زين
تمنيت اني ماشفتك .. ولا لحظه ولاشويه
حسبت انت وانا نبقى حبايب .. نبقى احلى اثنين
حسبتك تبقى لي طول العمر مخلص وفي ليّا
واثاري حبنا كذبه ونسيت العشره في يومين
زرعت الشوك انا بنفسي .. غرست الهم بيديا

انا ماكنت اظن اللي يحب .. يحب له شخصين
على بالي انا لحالي حبيبي يموت بس فيا!
على النيه مشيت وما عرفت امشي معاه لوين
الين الوقت بيّن لي .. نوايا غدر مخفيه
تعال وشوف وش كثر الدموع اللي تخون العين
كثر ماخانني حظي وعرفتك وانت مو لي

انا شاللي يصبرني على همي معاك للحين
خلاص ابعد وانا ببعد ولاتسأل ابد فيّه
واذا قصدك تبيع وتشتري قلبي انا بحرفين
ابمحي الحب من قلبي واعيشك ذكرى منسيه
أناني مثل ما إنت ولايفرق معاك البين
وانا ما عاد تعني لي .. خساره فيك ماضيَه
like-empty

كلمات راشد الماجد

جاري التحميل...