عفوا ترا الماضي دعاني اوجيته – ممدوح العضيباوي

عفوا ترا الماضي دعاني اوجيته
اشكي زمانن لاعني وانت غايب
حتى مكان اول لقاء مانسيته
يوم احتميتك عن جميع المصايب

حضك رما بك في طريقن سريته
ضايع وتنخى من يفك النشايب
جيتك وانا اللي لا طلبته لقيته
طلابك من الذل مهزوم خايب

حتى خصيمك من حياتي نفيته
وجازيتني بالهجر وانت السبايب
خذيت كاسك يوم كاسي خذيته
حتى احتضنتك شوق مولع وذايب

زرعت لك بالقلب وردن سقيته
مثل الزهر يسقيه وبل السحايب
وبيت الغرام اللي بقلبي بنيته
في وجه صكات الزمن والهبايب

لا تشتكي همي وانا ماشكيته
لو تفتش العالم لقيت العجايب
عطيتك اغلى ماطلبت وخذيته
وياليت مازعلت الاهل والقرايب

كلمات: ممدوح العضيباوي

ألحان: ممدوح العضيباوي

إنتاج: ممدوح العضيباوي

1440