عظيم إحساسي ومْن الشوق فيني شي ما ينقال
وْفقير الحب قدّام اللي بين ضْلوعي لك شِلته
أحبك كثْر ما تسري بْشراييني وْ تجي ع البال
وْكِثِر ما في خفوقي لك كلام ٍما بَعَد قِلته
سألتك بالّذي جابك بَعَد حزني وضيق الحال
في قلب ٍمن شقا الأرض إلسما الإحساس وصّلته
وميّزك بجمال ٍطاغي وْضحكة تجيب الفال
من أجمل منْك وإنت اللي خِتَمت الزين وكَمّلته

يا ثِقل الوقت من دونك وانا ايامي بلاك طوال
والأطوَل منّها شوق ٍ ٍ..غريب إني تِحَمّلته
تغلّا يا بعدي كلّي مسير الوقت مهما طال
يبل ريق المواصل من لِقانا اللي تأمّلته
شعوري لك مِتِل نَقش ٍ يُخَلّد في مدى الأجيال
واحبك حب تاريخي...ويذهِلْك إن تِخَيّلته
تشوف إحساسي ذاكِلّه وكل مافي القصيد إنقال
في صدري عشرة أضعافه كلام ٍما بعَد قلته