خذ شور عاقل ثم تعوذ من ابليس
بعض النصايح ماتقدر بالاثمان
وش اللي جاب من اليمن عرش بلقيس
لو مالفا بالعلم هدهد سليمان

ترى الزعل والحزن وكثر الوساويس
تضعف نياط القلب وتصك شريان
ما قول لك لا تحب حب بمقاييس
عالقد ولا تبالغ بزود ونقصان

الاهتمام الحب وبعض الاحاسيس
اشياء تعطى ماهي تفرض ع الانسان

وان سمت قلبك واعتلته الطواويس
لا تلوم الا نفسك انت اللي غلطان

الحب موقف ماهو هرج وتدليس
وان جت على التسويف كل له لسان
ابني على الافعال واسسها تاسيس
ولا تتبع المقفين وتصيح ندمان

شف قبلنا في ليلى يوم انهبل قيس
العشق لا اتساوى تخلده الازمان
واللي يحب خاين على هالمثل قيس
شايل كفنه ويرجو عفو وغفران