والله انا عايش معاك وبلياك
ما زدتني يوم ولا منقصن يوم
ان جيتني مع باقي الناس حياك
وان رحت ماني في ترجيك ملزوم

ما حد يجبرني غصيبه انا اهواك
ولا حد يلحقني على بعدك اللوم
ما اتبع ظهور الناس ما اظن يخفاك
لي عادة مشي العرب بأول القوم


انا ادري انه كل عين تمناك
وسعر الذهب يرخص اذا يكثر السوم
يا معرض نفسك على درب الاشواك
انا اشهد اني في محبتك مصدوم

ان جيت غالي وان تباطيت ما انساك
تبقى الوحيد بداخل القلب مرسوم
اما برضى قلبي انا اعيش وياك
ولا نتفارق دام ما فيه مقسوم