طول الغياب – مزعل فرحان

ما تغير شي في طول الغياب

أنت محبوبي تغيب أو ما تغيب

أتعذب وأتلذذ بالعذاب

كل يوم أحبك أكثر يالحبيب

والأمل في نظرة أيامي شباب

شمس شوقي ما تهاوت للمغيب

حيرتي القى على الدمعة جواب

والغريب اني معاها مستجيب

يا حبيبي نظرتك فيها عتاب

لا يضيع الحب في مهده غريب

لمني بإحساس قلبك لا تهاب

قبل ترميني بيدك للمشيب

كيف ما أحبك وأنا مثلك مصاب

لا يجير الياس من بدره رقيب

خلك من الناس للرجعة جواب

أنت محبوبي بعيد أو قريب