ضعفي محبة – رابح صقر

ضعفي محبة لا تقول اني ضعيف
عز الله أنه كان لي قلب قوي
تقول لك قلبِ من الرقة شفيف
وأقول ليته عن عذابي يرعوى

لي عام روحي لا تهيد ولا تقيف
ما غير تلعب فالضلوع و تنزوي
جرحتني جرح على جرح كليف
و خليتني مثل الغريب إبلا خوي

تبيني أجلس لا يجي هرجك عنيف
تبيني أغادر غديتلك جلوي
لا قلت أحبك خلني قصدي شريف
انا بدوي ولد بدوي ولد بدوي

تخاف مني ليه احس إني وليف
أنا ما أخاف ألا إن عودك ينذوي
عطني الفصول ولا يجي فصل الخريف
مادام عشبك فالمعاليق إثروي

ومن الثريا للثرى مالك وصيف
ولا تنتوصف بالكلام المعنوي
وانا أعرف قلبك وأعرف إنه نظيف
وتلعب مع قلبي و قلبي منكوي

ثقيل انا وأودعتني مثل الخفيف
وشلون هاذي في حبيبك تستوي
أضحك على نفسي من الأمر الظريف
وأبكي على حالي من الأمر السوي

+1

كلمات: نايف صقر

ألحان: سهم

إنتاج: روتانا

2021