يا طير يا عالي في السما طظ فيك – صلاح جاهين

يا طير يا عالي في الســــــما طظ فيك ما تفتكرشي ربنا مصطــــــــــــــــفيك برضـــــــــــك بتاكل دود و للطين تعًًًًودً تمـــــــــص فيه يا حلو .. و يمص فيك عجبي

نسمة ربيع لكن بتكوي الوشوش – صلاح جاهين

نسمة ربيع لكن بتكوي الوشـــــــوش طيور جميلة بس من غير عشـــوش قلوب بتخفق إنما وحـــــــــــــــــدها هي الحياه كده .. كلها في الفاشوش عجبي

أيوب رماه البين بكل العلل – صلاح جاهين

أيوب رماه البين بكل العـــــــــلل سبع سنين مرضان وعنده شلل الصــــبر طيب .. صبر أيوب شفاه بس الأكـــــــــاده مات بفعل الملل عجبي

الدنيا أوده كبيره للانتظار – صلاح جاهين

الدنيا أوده كـــــــــــبيره للانتظار فيها ابن أدم زيه زي الحـــــــمار الهم واحد .. و الملل مشــــــترك و مفيش حمار بيحاول الانتـــــحار عجبي

سرداب في مستشفي الولاده طويل – صلاح جاهين

سرداب في مستشفي الولاده طويل صرخات عذاب ورا كل باب وعويل .. وفي الطــــــريق متزوقين البنات متزوقـــــــــــــين للحب و المواويل عجبي

وقفت بين شطين على قنطرة – صلاح جاهين

وقفت بين شطين على قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي

السم لو كان في الدوا منين يضر ؟ – صلاح جاهين

السم لو كان في الدوا منين يضر ؟ و الموت لو عدونا .. منين يسر؟ حط القلم في الحبر و اكتب كمان .. و العبد للشهوات .. منين هو حر؟ عجبي

في يوم صحيت شاعر براحة و صفا – صلاح جاهين

في يوم صحيت شاعر براحة و صفا الهم زال و الحزن راح و اختفي خدني العجب و سألت روحي سؤال أنا مت ؟ و لا وصلت للفلسفة عجبي

يا نجم نورك ليه كده بيرتجف ؟ – صلاح جاهين

يا نجم .. نورك ليه كده بيرتجف ؟ هو انت قنديل زيت ؟ أو تختلف أنا نجم عالي .. بس عالي قوي و كل ما انظر تحت اخاف انحدف عجبي

نظرت فوق للنجوم وانا ساير – صلاح جاهين

نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي

إنسان أيا إنسان ما أجهلك – صلاح جاهين

إنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي

على بعد مليون ميل من أرضنا – صلاح جاهين

على بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي

الفيلسوف قاعد يفكر سيبوه – صلاح جاهين

الفيلسوف قاعد يفكر سيبوه لا تعملوه سلطان و لا تصلبوه ما تعرفوش إن الفلاسفه يا هوه اللي يقولوه بيرجعوا يكدبوه عجبي

يا حزين يا قمقم تحت بحر الضياع – صلاح جاهين

يا حزين يا قمقم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد … زي الصداع عجبي

إقلع غماك يا تور وارفض تلف – صلاح جاهين

إقلع غماك يا تور وارفض تلف إكسر تروس الساقية و اشتم وتف قال : بس خطوة كمان .. وخطوة كمان يا اوصل نهاية السكة يا البير تجف عجبي

إيش تطلبي يا نفس فوق كل ده – صلاح جاهين

إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي

أعرف عيون هي الجمال والحسن – صلاح جاهين

أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي

شاف الطبيب جرحي وصف له الأمل – صلاح جاهين

شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني …. و إيه العمل عجبي