صرخة – طلال مداح

صرخة ذكرتك يوم واليوم موعود .. لأجل الوفا لراعيك موفي الوعايد

كني بوقتٍ راح .. حاضر وموجود .. يومٍ غشاها المجد .. عله بعايد

وكن المربع توه اليوم مشيود .. جدران طين وغمام سقفه جرايد

قصرٍ بني للعدل والطيب والجود .. سوره ترى للناس فرش الوسايد

يقرا المطوع بيرق الحاكم سعود .. في مجلسٍ راعيه بالوصف زايد

من حوله سيوف مزن وماهود .. روس الرجال شيوخ كل القبايل

اعداه من طيبه غدو تحته جنود .. محدٍ جمع مثله بفعله ضدايد

يالله عسى قبرٍ به الطيب ملحود .. يسقى ثراك من اول الغيث جايد

اللي جمعنا سهل وجبال ونجود .. بعد السنين المجدبات الشدايد

يا دارنا عزك من الناس مارود .. خيرك على الدنيا قريب ونايد

يا دارنا بابك عن الذل موصود .. زهر الفخر نبتك قديم وجدايد

وقت العسر بالدم نوفي لكل عهود .. وقت الرخا نقول مدح وقصايد

0

كلمات: بدر بن عبدالمحسن

ألحان: طلال مداح