صدمة غيابك – عبدالعزيز المعنى

فقدتك قبل مدري بعد مدري بأول الغيبه
أنا من صدمة غيابك عجزت أحدد إحساسي
ما بين الشك والريبه وبين الظن والخيبه
أحسب إني على بالك طريت و حضرتك ناسي

ضميرك ماصحى توّه ولا حسّسك تأنيبه
مثل ما الجرح بغيابك احسّه يسرق أنفاسي
حبيبي ما يعيب اللي يحبك زايد الطيبه
خلقني ربي لنفسي و عشت ايامي لناسي

تعال و طالع جروحك لها وسط الحشا هيبه
وش اللي بس بيضرك لو إنك جيتني تواسي
تمنيت بيدي سلطه و وقتي أعيد ترتيبه
وأقدّم فرحتي و أرجع أأجل وقتي القاسي

غيابك يشبه وصالك ووصلك طوّل الغيبه
و انا من يومها عايش ولكن ميّت إحساسي

+16

كلمات: محمد الغرير

ألحان: عبدالعزيز المعنّى

إنتاج: Sound City

2017