بعد اللي شوفته عتابنا مابقالهوش هدف
ماطلعش يعني كلام قالوه الناس وإتحدف
شوفت الصُدف؟

أنا كنت ماشيه و رجلي جَت بيا لهنا
آتاريني جايه أشوف خيانتك ليا انا
شوف ربنا

خليك قاعد مكانك والله مانت قايم
وبلاش تعزم عليا هو انا هحتاج عزايم

أنا ماشيه ومش هلومك ما الطبع ف صاحبُه غالب
وانا قلبي كان مُغيّب وف سابع نومَه نايم

أنا هنسحب ف هدوء خلاص انا مش طرف
كان فيه ف حياتي الفتره دي شيطان وإنصرف
كله إتعرف

وانا حظي حلو عشان كشفت انا نيتك
ومن النهارده أنا سكتي غير سكتك
شوف دنيتك