like-empty

كلمات

klmat.com

sun

سمو العشق

سمو العشق يا سامي و تسمو بك سمو الأشواق
يا أول حُب حبيته و آخر حُب حبيّته
غرامك لاق في قلبي و غيرك لا حشى ما لاق
يا أول شخص يسكني و قلبي قصره و بيّته
أحبك كثر ما أحبك كثر ما فز لك خفاق
على عرق الغلا ياللي و أنا مشتاق مريّته
كتبت أسمك على قلبي و أغار من الشعر و أوراق
مسحته من قصيدي بس وسط القلب حطيّته

أحبك كثر هالدنيا كثر ما للحياة أشتاق
على شوفك على صوتك يا أغلى أسم ناديّته
تناديني و أحس عروق قلبي كلها تنساق
على نبرة غلاك و هاجس الأشواق لبيّته

خذاني حُبك السامي و أنا أسمو بك بعيد أفاق
على بُعد الغرام اللي أنا و قلبي خطيّته
خذيت من الوحش عينه و خذيت من الظبي الأعناق
و خذيت من الحلا ياللي بهالدنيا تمنيّته

أطيق الموت لعيونك ولا منك أطيق فراق
و على شوفك لحن الأشواق غنالي و غنيّته
غرامك لاق في قلبي و غيرك لا حشى ما لاق
يا أول شخص يسكني و قلبي قصره و بيته

 
like-empty

كلمات راشد الماجد

جاري التحميل...