من صرت بعيد على عيوني

لوحتلك ايد وطفه لوني

شلون صوره انطبعت بعين العليله

شلون صوره جفها مرفوع برحيله

شلون صوره تريد ابوهه وماكو حيله

كلبها نار ابوها سار

مشا وكفاه عليهه دار

الضعن خذاه وكلبها تاه

وجف زغير انرفع وراه

سلام ومن بعد صاير

اخير وداع لليسافر

بكلبك بويه وبكلبي

تكتل كسرة الخاطر



بويه من مشيت رفعت ايدي

ايست جفيت مواعيدي

بعدت عني واني دمعي وياك تمشي

بعدت عني واني طير وشال عشي

بعدت عني وماتت احلامي على رمشي

اطلعت وراك اشم هواك

درتلي عين شفت جفاك

ماردت اروح ردتلي روح

ميته اعيش وايامي نوح

شعجب ماتسمع الصايح

تذبح شوفتك رايح

شعجب يا بلسم عيالك

عليه شو صرت جارح

سلام ومن بعد صاير