like-empty

كلمات

klmat.com

sun

سجة مع الهاجوس

خلقت في الدنيا وانا ما معي شي وبروح منها ما معي شي منها
سجة مع الهاجوس طبيعة اللي طبيعة بموت ما جزت عنها

أشكي على الخلاق وأرفع له ايدي لا كثرت الافكار يفك منها
أما الكرم قد فاز به حاتم الطي حتى الفرس من شان ضيفه طعنها
خلوني أكرم في حياتي وأنا حي ولا مت مدري جثتي من دفنها

ياجاهل الدنيا تراها كما الفي يا مخبل اللي في حياته ومنها
إن ناحرت لك قامت تروح وتجي مثل الذلول اللي طويل رسنها
وإن ادبرت خلتك طايح ومرمي وكم واحد له حاجة ما ضمنها

مسكين ياللي تحسب الواجد شوي والعافية لو تنشرى وش ثمنها
لا بد ما نرحل عن المزح والغي ونسكن بيوت قبلنا من سكنها
النفس مثل الغصن عايش على الري ولولاه كل الناس عافت وطنها
يالله عسى الحسنات تقضي على السي لا قربوا للنفس ذرعة كفنها
like-empty