ريم ٍ نطحني داعج العين بالميل ... مع شارع البطحا ظبي العدامه

شفته وصوبني بنجل المقاتيل ... سود ٍ هدبها مثل ريش النعامه

والخد نوره مثل نور القناديل ... والعنق عنق اللي ربى في تهامه

جدايله كنها احبال مغاتيل ... ومنقش الحنا بطرررف اقدامه

لما قرب عندي رماني بمنديل ... ابيض حرير وحط وسطه علامه

سلم بعين ٍ له هدبها مظاليل ... من خوفه من الناس مخفي سلامه

ياعاذلي لو شفت زين التعاذيل ... مالمتني فاللي حسين ٍ كلامه

يلومني بالزين ناس ٍ مهابيل ... مايعذرون اللي تزايد غرامه

شفني من الفرقى غدا حالي نحيل ... من شاف حالي قال ذا وش علامه

رح يانديبي للقضي اخر الليل ... خبره عن حالي وعطني مرامه

ريم نطحني داعج العين بالميل ... مع شارع البطحا ظبي العدامه