ربينا على الوفا مانعرف نخون
وصرنا إلهم جسر حتى يعبرون
انطيناهم عمرنا وراحة البال
وإلهم رخصينا دموع العيون

ابد ما دورينا وياهم عتاب
وندور إلهم عذر لمن يغلطون
وبحبهم نقول همومنا تهون
نحنلهم ياروحي ومايحنون


تاليه الغدر موضوعهم صار
وابد ما حسبيناهم يخونون
بعين الحب نداري ومايفيدون
بس همه بجرحهم مايقصرون

تعبنا إلهم عمر بس مايحسون
ومنهم ردنا بس اشويه يوافون
نودعها المحبه ونحرق الشوق
صعبة نعيش ويه الما يقدرون