like-empty

كلمات

klmat.com

sun

راعي الوشام

(موال):

كل ما جت سيرتك جاني احساس رهيب

مقدر اعبر عن احساس قلبي بالكلام

وصحت لك بالصوت يا مهجتي لي ما تجيني

من سبايب هجر صوتك هجر عيني المنام

جيت لك عاني وانك على بعدك قريب

يجبر القلب المعنى غلا راعي الوشام

آه من جرح ٍ تمكن بجوفي يالحبيب

حبك اللي يآسر القلب علقته وسام

جعل جرح ٍ من غلا نور عيني ما يطيب

فدوة ٍ له عمري اللي بقا سيد الانام

ماشكيت الجرح ابد لا ولا ابغى له طبيب

دامك انت اللي تسبب بجرحي ياسلام

صورتك لو تبتعد عن عيوني ما تغيب

مستحيل النور يصبح شبيه ٍ للظلام

فيك ظني يا منى العمر ابد لا ما يخيب

ومن عشق مثلي فلا ظنتي مثلي يلام

لو خذيت العمر واقفيت ابد مالك طليب

لك حياتي كلها بالوفا لك والتمام

باقي ٍ مادام باقي بقربي لك نصيب

ما قطعت الياس لو زاد شوقي والهيام

like-empty

كلمات حسين العلي

جاري التحميل...