راحتك أولى – شيمي
أحس بداخلي حيره … وخوف أسبابه الغيره
و ضعف و شوق لعيونك … إذا جابوك في سيره
قويت الا على قلبك … ضعفت وماني بقربك
فقدتك و الدموع تهون … إذا كان الألم حبك.
تعبت إني أبي أنساك … تعبت أكتب ألم فرقاك
تعب حرفي ولا جابك … و لا عشت العٌمر وياك
و كيف ألقاك و أصونك … و أكون بداخل عيونك
و كيف إني أكون أقوى … و هم حولك يحبونك
عجزت أتماسك وربك … مشيت وضعت في دربك
صبرت و غايتي القاك … و قلبي بالخفى ناداك
ورغم إنك مفارقني … أحبك يالبعيد هناك
خلاص إبعد ولا يهمك … أبحيا … لكن بدونك
تاكد راحتك أولى و أنا بنساك لعيونك
حبيبي بٌعدنا خيره … و قلبك صعب تغييره
و إذا كان الالم حبك … أنا راضي بتاثيره
كلمات: نواف بن جمال
ألحان: راكان و الأنين
2018