راجعين – الشيخ حسين الأكرف

راجعين لو بعد ما بيها رجعه رجعه
مسافرين سولفت دمعه أوي دمعه دمعه
تبقى سهرانه العيون من سفركم ما تجون
سولفت دمعه أوي دمعه دمعه

أركض وأعثر وراكم من طلعتوا من الوطن
دمعه دمعه سولفينه بالهوادج والضعن
گمت أشوف أهل الكرامه لابسه اثياب الچفن
الليله خذ كل أمنياتي وكل شي ما خله الزمن

راحلين تضوي شمعه وتطفي شمعه شمعه
مودعين وعمري وياكم أودعه أودعه
والمثلكم ما يهون من سفركم ما تجون
سولفت دمعه أوي دمعه دمعه

طلعت ابدور السعاده وسافرت أهل الشيم
وآنه لامكتوب إجاني ولا رجع راعي العلم
سور لامال البنيته بساعة الفرگه انهدم
لوحه أرسم نهر بيها ولوحه أطفال وحرم

خايفين والزمن غدار طبعه طبعه
رايحين والدليل اجروحه وسعه وسعه
مشت من يمي الضعون من سفركم ما تجون
سولفت دمعه أوي دمعه دمعه

تعودت لحسين أفرش مهجتي بوكت الصلاة
عافني بداري وحيده من أخذ كل البنات
راح عباس وأخوته وطلعت إوياه الخوات
وكفل ربات الإمامه من المدينه للفرات

بلا معين حسين وارتجت السبعه السبعه
وعالجبين سيوف دنيانه امشرعه امشرعه
وكربله كن فيكون من سفركم ما تجون
سولفت دمعه أوي دمعه دمعه

للهجر بانت علامه وراحت أليوث الفله
والضعن يمشي بمسيره خطوه خطوه الكربله
أرد أگلهم رجعوا روحي الراحت أوي القافله
حسين راح وبعد ماظن يرجع وأستقبله

سالمين لو زلمكم كلها صرعه صرعه
حايرين وريت حاديكم أتبعه أتبعه
الليله سهرانه الجفون من سفركم ما تجون
سولفت دمعه أوي دمعه دمعه

ما بقت كل أبتسامه الفرحه ماتت وي هلي
ذبلت الورده بغصنها وماظن أتعودون إلي
شفت بالطيف المنايا تمشي وي ممشه الولي
من الحلم فزيت أنادي علي أدخيلك ياعلي

محسبين طفل فيض الدم يرضعه يرضعه
بالحنين تنوخذ من كلبي قطعه قطعه
بالمدامع والشجون من سفركم ما تجون
سولفت دمعه أوي دمعه دمعه

0

كلمات: علي الخفاجي

2020