ذي عيونك ولا هذي مو عيونك مادريت
ولا هذي هي عيونك بس الاحساس اختفى
ودي القا لو شرارة في عيونك مالقيت
إلا نظرة ما تطمن و الرماد اللي طفى

ماعرفتك لما شفتك انصدمت و ماحكيت
أبتسم لك لما تضحك و اتعذب بالخفا
مقدر احيي اهتمامك لو باحاول ماقويت
كيف اب احيي شي ميت و الزمن عنه عفا


صنت نفسي ما سألتك عن برودك مابغيت
اني ارخص نفسي اكثر للي اقفى و اكتفى
ماهي حلوة اعترف لك اني عنك ما سليت
و انه قلبي ما تناسى و انه جفني ما غفى

كنت احسبك عند وعدك ما حتنسى ماحييت
مامداني عنك ابعد إلا وعدك ما وفى
انتهينا غصب عني يشهد الله ما رضيت
ما اقول الا خسارة حسبي الله و كفى