ذا فصل ساعة خطر – محمد سعد عبدالله

ذا فصل ساعة خطر

قلت له يارقيق الطبع كلمه ولو جبر خاطر

راقب الله شفنا في خطر

قال صبرك على حمل المشقه والاخطار

من بلي بالهوى يصبر على الحلو والقار

يوم عدى ومر

صرت له مملوك واصبح على القلب حاكم وآمر

بانطيعه إذا يبغى أمر

لكن الزين يظهر ماتخبيه الاقمار

من بلي بالهوى يصبر على الحلو والقار

قلت له شي بصر

للمحب يارقيق الخصر ياللي في وجهك مباصر

قال لي كل حاجه بالبصر

قلت خايف يطول الصبر يانور الابصار

من بلي بالهوى يصبر على الحلو والقار

قلت ايش الخبر

قال خل الهوى مكتوم واحذر بسري تخابر

خايف الناس تسمع ذا الخبر

يصبح الحب ياخلي اشاعات واخبار

من بلي بالهوى يصبر على الحلو والقار

قلت قصدي سمر

في وسط عيديد انا وياك يانجم ضاوي وسامر

يوم لقياك بايحلى السمر

شوف لاجيت بانبعد من الجوف مسمار

من بلي بالهوى يصبر على الحلو والقار

زارنا بالسحر

قلت آنست في لقياك شرفت ياخير ساحر

ياسلى القلب حسنك قد سحر

عقل انسان عمره ما يآمن بالاسحار

من بلي بالهوى يصبر على الحلو والقار

يوم وجهه سفر

قلت هذا قمر في نصف شعبان ولا صبح سافر

كنت ناوي وعازم عالسفر

يوم شفتك خلفت العزم وبطلت الاسفار

من بلي بالهوى يصبر على الحلو والقار

 

0

كلمات: محمد سعد عبدالله

ألحان: محمد سعد عبدالله