ده شيعه واحنا سنه – الشيخ امام

دا شيعه واحنا سنّة دا فين ومصر فين

عايزين يدخلونا نظام ودنك منين

وناس تقول شيوعي وعامل نفسه شيعي

عشان خايفين طبيعي ليبقوا ثورتين

يا أسيادنا اللصوص قرينا في النصوص

لو الإنسان يلوص يغوروا الفرقتين

وشفنا في الكتاب ولقينا الدين حساب

وثورة وانتساب وعين تساوي عين

وسرقتوا الثورة منا وقلتوا الصبر منّه

وعقب الصبر جنّه وباب بمفتاحين

ودان المَلُك ليكو وشاع الكفر فيكو

وزاد الفجر بيكو وعملتوا اسلامين

وكفرتوا الامام وطفشتوا الحمام

وخلاصة الكلام.. يزيد ولاّ الحسين ؟

0

كلمات: احمد فؤاد نجم

ألحان: الشيخ امام