داري على شمعتك – محمد عبدالمطلب

داري على شمعتك .. اما الهوى غدار

واصبر على قسمتك .. وابعد عن الأفكار

راح تشكي لمين .. داري

والناس قاسين .. داري

ده لو داريت ع الشمع يقيد .. ويوم في يوم الفرح يزيد

داري على شمعتك .. داري .. داري

اللي انكتبلك مهما يكون .. حيجي يوم وتشوفو عنيك

ان كان الم بالصبر يهون .. وان كان فرح حيمر عليك

راح تشكي لمين .. داري

والناس قاسين .. داري

ده لو داريت ع الشمع يقيد .. ويوم في يوم الفرح يزيد

داري على شمعتك .. داري .. داري

الصبر مهما .. مهما تطول لياليه .. بلاش تبوح بأساك للناس

قلبك مصيره ينول امانيه .. وتذوق حلاوة الصبر في كاس

وفي عز هناك .. داري

ح تلاقي هناك .. داري

ده لو داريت ع الشمع يقيد .. ويوم في يوم الفرح يزيد

داري على شمعتك .. داري .. داري

0

كلمات: محمد فتحي مهدي

ألحان: عبدالرؤوف عيسى