خوف وسكات – عبادي الجوهر

شِبّي الونس واملِي الهبايب بالأصوات
وعَدّي ضواري وحشتي عن ضلوعي
روحي خلا .. سكَّانها خوف وسكات
ولِيلٍ ملا قلبي .. ظلامه يروعي

ما هوب صدري .. ذي مداهيل الاهات
وماهوب جفني .. ذي مقابر دموعي
حبيبتي وإن قلتها بعض الأوقات
من عزّتي .. ماهي ترى من خضوعي

أهواك لِي فوق الشواهيق رايات
وعلى حصون الياس تزحف جموعي
وأهواك كِن الوقت لو فات مافات
وانتِ المزيَّن تنتخيني فروعي

وأهواك مراتٍ .. وأعاتبك مرات
بالله .. لا تبكين بردِي وجوعي
إن طحت فاطوي الياس من حب الأموات
هذا رحيلي عنك .. واتلى رجوعي