خليك معاها .. وبلاش تفكر
مبقيتش قادرة .. والحيرة دي
مستصعباها .. اني ابقي جنبك
بس انت قلبك .. مش ملك ليا

حبتني جايز .. كانت محاولة
مين فينا أولى .. انا ولا هي
لا هي طبعا .. وبلاش نجمل
انا لو هاكمل .. ها تضحي بيا

بتروح لها و ترجعلي لما في يوم تمل
وانا حبي ليك عمال يزيد وانا باقل
انا مش طريق ها سمح بأنك فيه تضل
كان نفسي أعيش وياك في نور .. كفاية ضل


هتروح لحالك .. و هاروح لحالي
بس الليالي .. الحلوة شاهدة
انا كنت راحتك .. لكن براحتك
بكره الليالي .. هتفوت و ههدي

انا مش هحارب .. على باب موارب
كان اختيارك .. والرد جالي
ده انا شفت قسوة .. لو كنت اسوي
عندك حقيقي .. متوريهالي

بتروح لها و ترجعلي لما في يوم تمل
وانا حبي ليك عمال يزيد وانا باقل
انا مش طريق ها سمح بأنك فيه تضل
كان نفسي أعيش وياك في نور .. كفاية ضل