خلاص يا قلبي – مزعل فرحان

خلاص يا قلبي تناساك حبيبك

خله يعيش اليوم مرتاح باله

دامه تناسى الحب واشعل لهيبك

مابيك توصالي وتظلم وصاله

صار الهواء والطيب والشوق عيبك

واصبح مناك اليوم صعباً مناله

اتعبتني يا قلب من كثر طيبك

خليتني تايه وسامر خياله

يا ليتني ما كنت يوماً حبيبك

يلي سواك لقلب لاما اناله

يا شمس عمري اتحرى مغيبك

وارثي لقلبي يوم غدرك بداله

بنسى هواك اليوم وانسى لهيبك

وارجي عسى ربي يعين بزواله

فريتني بالحيل الله حسيبك

واشقيت قلبي في زماناُ مضى له

كلمات: اسرار

ألحان: مزعل فرحان