المشكله اللي حلها خشم الريال
ادعس على خشم الريال وحلها
مال بليا عز ماهو راس مال
لو صاحبه حاز المراجل كلها

مدام دنياك الدنيه للزوال
الله ولاظيم النفوس وذلها
لا تمشي برجلك على درب الخمال
رجلك على اللي مايعز ارطلها

لو تعجبك بعض البشر يبن الحلال

القحويانه مايظلل ظلها
ترى البدر لو يكتمل يرجع هلال
ماغير عينك في اكتماله سلها

ولا السراب يحسبه الظامي
زلال يبطي وكبده تتبعه ماملها
رجال للسلوه وللفزعه
رجال والكايده ماكل احد يشتلها
والبندق اللي مايعلق لك غزال
بعها على اول من يسوم وخلها