ودي احكي معك واحكم ضميرك
وانت جاوبني واكسب فيني أجراً
يومك انت الحين عابر مثل غيرك
ليه احس ان لك وسط القلب قدراً

كيف ما أعرفك وأشعر بي أسيرك
وليه أفكر فيك صبح وليل وفجراً
وليه أحسك طيبٍ وكثير خيرك
وليه أشعر انك الأوسعنا صدراً

ليه رابطني مصيري في مصيرك

وليه أبني لك بجوف الروح قصراً
وليه عندك أسكت بوصفي لكثيرك
وليه قدام الملا أوصفك جهراً

ليه عيني ما قوت أبقى ضريرك
وليه انا الحين فيك أكتب شعراً
هذا اسمه ايش جعل ربي نصيرك
انصر احساسي واذا احترت عذرا

"تسمح.."
طيب اسمح لي من الآخر أصيرك
ثم اعيشك فيك واحبك وشكرا