الله أكبر كـيف يـجرحن العيون
كيف ما يبرى صويب العين ابد

احسب ان الرمش لا سلهم حنون
اثـر رمش العين ما ياوي لحد

يـوم روّح لي نظر عينه بـهون
فزّ له قلبي وصفّق وارتعد

لفّني مـثل السحايب والمـزون
في عيوني برق وبقلبي رعد


نقّض جروحي وجدّد بي طعون
قلت يكفي قالت عيونه بـعد

وانعطف هـاك الشعر فوق المتون
وانثنى عـوده وقفى وابتعد

اشـغلتني نـظرة الـعين الـفتون
حـيّرتني بالـتوعد والـوعـد

هي تمون الـعين ولاّ ما تـمون
لى خذت قلبي وقفّت يا سعد