أنا فيني من الأيام جرحين(ن) على الخفاق ... من الاقصين جرح وجرح(ن) من ربعي الادنيني

أقوم بجرح لكن ثاني الجرحين ساق وعاق ... مشى سمه مع عرقي ويبست منه كفّيني

يولّعني وَهج ناره وفي فكري كما البرّاق ... عواصيف(ن) تودّعني وعاصوف يلاقيني

مثل ريشه نقلها ريح مع شوك وفي مضياق ... يمزع شوكها جنبي وبالرجلين يدميني

ألَمها جضّ به قلبي ودخّن بالصّدر حرّاق ... تفجّر كنّه البركان في سمعي وفي عيني

يعاقبني زماني يوم صدري بالعنا ما ضاق ... أشيل الحمل ما تَعبت من الوعرات رجليني

أعرف أنه قدر عمري واعرف أن الزمن سرّاق ... وهذا ما كتبه الله وأنا المكتوب يرضيني