جداً محترم – محمد بن غرمان

جاتنا الاخبار من بعد المقيل
و طاح كل اللي بنيته وانهدم
اختلف جوي وانا جوي عليل
واتهمني صاحبي عدة تهم

بعد ما انا كنت لهمومه اشيل
يا جراته ليه يكفر بالنعم
قال لي غدار و من هذا القبيل
قالها ب اسلوب جدا محترم

وجاي هسه يقول يبغى يستقيل
بعد ما نكس شراعه و العلم
قلت هل يوجد لديك اية دليل
ولا قلبك في المحبه ما التزم

حسبي الله وحده ونعم الوكيل
على وليف شك فيني و اتهم
ما استطعت ترد لي ربع الجميل
لا و لا بين بعينك وارتسم

والله اني ماهقيت انك عميل
لين خيبتي ظنوني و العشم
من متى عبله تهيم ب شرحبيل
وعنتره ساهي ولاهي ما التهم

لاتقول امزح ترا مزحك ثقيل
ولا تمثل دور عاشق وانظلم
انتبه يا هيه وصحصح ياهبيل
لا يغرك من في وجهك ابتسم

بختصرها لك ولا ودي اطيل
من عرفتك وانا عايش في وهم
هل عشقتي جاريا عابر سبيل
ام جننتي يالهنوف ام اللثم

العواذل سوو لمخك غسيل
فخخوا راسك و اعدوا لك لغم
لو تفارقنا ترى عندي بديل
يعني ما يفرق وجودك والعدم

صعب اسكت ي حبيبي واستميل
صعب تلوي لي ذراعي وانهزم
كنت تحلف عن هوانا ما تميل
وين عهدك وين وعدك والقسم
ليلة البارح سرت بي للمخيل
شايفك تركض وفي يدك سهم

لو نويت تخون وترديني قتيل
خون لاكن لا تلفق لي التهم
خالص الاشواق والشكر الجزيل
الزمن لا دار ينصف بالحكم

كلمة باقولها قبل الرحيل
مايفيدك دمع عينك والندم
قلبك الي دور لقلبي بديل
مايفرق في البري و المتهم