تناسيني بنفس الموعد اللي به ذكرتيني
أنا مااقدر اعيش اللي بقالي من العمر باوهام
عبس وجه الزمان وزاد لومه لا تلوميني
طغى جور الهوى وأنهى سنين من صبر واحلام
طلبتك كان لي في داخلك بعض الغلا اجفيني
ترى حر الجفا أهون كثير من الوهم لو دام

سلام الله على وقت مضى وما صار به فيني
خبا ضي القمر والشمس ما قد شعشت من عام

هناك ابعيد ويا الشوق غنيني وحبيني
هنا لاتقربي ضاق المكان بزحمة الاقدام

هواي العف يا اسمى القصايدفي دواويني
أنا لي قلب ما يقوى يضيم ولا يبي ينضام
تخيرت ابتعد والصمت والوحده عناويني
واذا ودك تزوريني تعالي بس في الأحلام