تخطي وعذرك غلا والنفس دماحه
ماهوب يعني تمادا مرخصٍ قدري
خطاي بني عطيتك اكبر مساحه
مليتها بالخطايا يا بعد عمري

يوم اني اجيك وحبي مابه شفاحه
حبٍ على المنهج المشروع والعذري
قلبي ماهو تسليه او وجهة سياحه
متى طرالك تسلى فيّه وتسري

ياقبلة الزين وجهك يجلب الراحه
لاكن معي سلطة وتنفيذ في امري

كنتي لي اقرب من الشاعر لمسباحه
يا موهبة شاعرك يا قافي وحبري

شوارد الصيد بالبارود مطراحه
وشوارد الفكر في وصفه علي تطري
والله لو جاء البحر ان تصفي املاحه
وش عاد لو استقي من ريقها دغري

خشيّف الريم لله بطلق اسراحه
حرام مثله تشوه عينه الجثري
سواد عينك حرم والمحجر الساحه
وعليك طفت الوداع و اتسع صدري