تكفيني انت – طلال مداح

تكفيني انت .. يغنيني حبك .. عن كل غالي
تكفيني انت .. اعيش في قربك .. احلى الليالي
ويكفيني حبك .. ما ابغى في قلبي سواك
امشي في دربك .. زادي في عمري هواك
وتكفيني انت .. انت

يا نور عيوني .. حياتي قبلك كانت ضياع
كانت ليالي مليانه غربه .. ووهم .. وخداع
وكنت الحقيقه .. وبر الأمان
وبسمه رقيقه .. وهمسة حنان
ويكفيني حبك .. ما ابغى في قلبي سواك
امشي في دربك .. زادي في عمري هواك
وتكفيني انت .. انت

احب فيك الأمل .. يفرش دروبي منى
والفرح لما اكتمل .. يملا حياتي هنا
عمري رحله في طريقك .. بالأمل اوصل حدودك
حتى في حبي لغيرك .. كنت ادور عن وجودك
ويكفيني حبك .. ما ابغى في قلبي سواك
امشي في دربك .. زادي في عمري هواك
وتكفيني انت .. انت

كلمات: محمد العبدالله الفيصل

ألحان: سامي احسان