تصدقين .. !!
ومالك علي حلف ويمين
لو قلت لك ..
ان السنين اللي مضت مابيننا
ماهي سنين

كنها ثواني عمر
مرت ..
في عقارب ساعتي

أو صورتك ..
وأنتي تعيدين النظر
في مرايتي
وسنيننا مرت مثل لمح البصر
تصدقين ..


تصدقين .. تصدقين
أنك في عمري لي عمر
وأنك حكايات المطر
وأجمل حكاية عشتها
وأحلى سواليف العطر
تصدقين ..

عقبك وأنا .. اسهر على
ضي القمر .. ضي القمر
واكتبك بحروفي شعر
واغزل لك نجوم السماء
واهديك من عمري عمر

تصدقين!