ترى السهر – محمد عمر

جلستك ما تنمل يا سيد الاحباب

ترى السهر وياك له جو ثاني ..

ما تدري انك جيت وان الحزن غاب

وش عاد لو تدري وش الله عطاني ..

من يوم شفتك خافقي في يدك ذاب

ماكنك إلا جيت تاسر كياني ..

حلو السوالف طيب القلب جذاب

عطرك وملبوسك وضحكك خذاني ..

كلك جميل وشايفك حيل حباب

وانا على كيف المحبه تراني ..

منا ومنا يا بعد كل الاقراب

لملم غرامك وانثره في حناني ..

 

0

كلمات: ابراهيم مجثل

ألحان: حسين العلي