like-empty

كلمات

klmat.com

sun

تروي علي بشويش

تروي علي بشويش يم العيون الحور
عساني فدى نظرتك ماني فدى غيرك

على حسنك الطاغي على رمشك المغرور
انا راضي بشرك وانا راضي بخيرك

اذا اقبلتي بزينك تصيب الرقاب كسور
ياسبحان من صورك واحسن بتصويرك

حضورك اذا جيتي ساكن بلحضور حضور
تسلطنتي بزينك وعقلك وتفكيرك

تري وجنتك كنها شعاع على البلور
وانا الهايم الي صاير تحت تأثيرك

على غصنك الوارق يغني مية عصفور
يا حظ الغصون اللي تجمع عصافيرك

جمالك طبيعي ماهو مجمل بديكور
تباهي وحسادك وتقوي بتصغيرك

تفرعن جمالك فوق كل النساء البدور
عليك الله اكبر مابقى شي يثيرك

مباهير زينك تشبه اللولو المنثور
وانا عارف قهوتك واعرف مباهيرك

خجولة طبايع ما تعرف الكذب والزور
هذا اللي رفعك وزاد قدرك وتقديرك

حوالينك اببني واشيد عليك السور
وعن نظرة المذهول ودي بتسويرك
like-empty

كلمات فهد العيباني

جاري التحميل...