ترفع الأقلام وينفضّ العهد
وننتهي وأعفيك من حب وغرام
أنا طبعي راقي ما أكره أحد
باحترام أحب وارحل بحترام

وتبقى غالي عندي بس قبل ابتعد
شوف وإذكر زين وإحفظ هالكلام
مثلي لا مرك ولا بيمر بعد...
شخص حبك كثري ثم راح بسلام


أنا حلمك وإنت ذاك اللي قعد
من منامه وما لقى حلم المنام
و لا كسرتك الدنيا بأحزان وسهد
عندها بتعرف قدري والمقام

علمتني الدنيا ما أندم أبد
ع المحبة والعطا والإهتمام
أعطي من طيبي وإذا غيري جحد
يفدى راسي الحب ويفداني الغرام