بدايات المحبة – عمر

نيتي موَاجَه و قلبي قدها
لو تشوفه صعب في عيني يسير
لا تعاتب !! خذ جروحي عدها
من بدايات المحبة للأخير

لك عطيت من المشاعر حدها
شاهدي قلبك و عيونك بصير
للوصل مديت كفي . . مِدَّها
هات كفك لا تردد لا تحير

ادري قربي فرح عينك سعدها
لا تضيعنا ،، قد ضاع الكثير
وتدري قربك فرح عيني رغدها
راضي بظلمك لو تطغى و تجير

كل خطواتي لدربك قصدها
وبين ضلعينك بقى قلبي أسير
اقترب .. خلنا نهنى و بعدها
كل ما ترغب لعيونك يصير