بتسأليني بحبك ليه – محمد عبدالمطلب

بتسأليني بحبك ليه

سؤال غريب ما اجاوبش عليه

الدنيا ليل ساكن هادي

وانا غريب في الدنيا دي

وانتي القمر نورك بادي

لقيت في ضيك إرشادي

الى طريق الأمل الى الأماني

نورك يا بدر اكتمل

بالليل هداني

وبتسأليني بحبك ليه

سؤال غريب ما اجاوبش عليه

احب تيهك ودلالك

وابكي من كتر غرامك

واخضع امام عرش جمالك

واسبح يا روحي في احلامك

والقلب ياما اشتكى

قدام عنيكي

من الأنين والبكا

ما بين ايديكي

وبتسأليني بحبك ليه

سؤال غريب ما اجاوبش عليه

 

0

ألحان: محمود الشريف