بترجعين لو قلت لك اني احبك للابد
بترجعين لو جيت لك بكره على اخر وعد
اركض ورى ظلك بجيك
اركض ولا احصل احد
طوّل خريف ايامنا
طوّل وانا صبري نفد
ماحسني فاقد حبيب
احسني فاقد بلد

جيتي مثل غيمة وله
رحتي بلا برق ورعد

صيف وشتا مروا وانا
مشتاق وشوقي مابرد
استحلفك بالله ليه
رحتي وماصنتي العهد
ماكنت لعيونك ضوى
ماكنت لك ظهر وسند
زرعتلك صدري حنين
زرعت انا وغيري حصد

بترجعين مدري متى
محتاجلك روح وجسد