like-empty

كلمات

klmat.com

sun

اولاً (دويتو)

أولا يـارب ترقنـا القبول وجنب امتنا الامور المهلكة

الوطن معنى المبادي والاصول والرجال اللي عليه محنكه

ثانيا ياصدق قول اللي يقول عاش بومتعب وتحيا المملكة

اخو من طاع الله وطاع الرسول لا نواله في محيطِ حركه

وثالثا حب الملكـ شرحه يطول طاهر الاعماق مصعب مسلكه

واسع الافاق عساف الخيول يرقب الحر البعيد ويشبكه

رابعا لا قال عبد الله يطول اطهر من النور دربٍ يسلكــه

عسى عمرك يابومتعب يطول ماعلى الدنيا غلى ماتملكه

خامسا ياسايق الخير الرحول هات مافي خاطرك لا تتركه

من توكل يعقل يدين الذلــول من صفق كف بـ كف يفركه

سادسا لا زاد قول فوق قول كل رجال سلاحه يفركـــه

ماتعودنا على انصاف الحلول ندرك اللي غيرنا مايدركــه

سابعا عاش السعودي الصمول وعزوة الغالي ترى فيها بركه

دارنا من طيبها كلن عذول ونارنا ماكنــها الا التهلكــه

ثامنا حب الوطن عرض وطول من عطانا الله وحنا نملكه

كل ماكبر على شانه زحول اكبرت في وسط قلبي معركة

تاسعا احرار ورجال وفحول واجبك يا اغلى وطن مانتركه

يرتكي للحمل شيال الحمول وكل دمٍ حل شرع يسفكـه

عاشرا لله در اللي يقول يـاسلام الله عليها مملكــة

طارت طيور البيادر للحقول وخابت طيور الظلام المشركه

like-empty

كلمات محمد عبده

جاري التحميل...