استهيم بوحدتي في ساعة ان الليل بادي
منك ياذاك القبال اتعبني الصدر بحنينه
صرت للعزله اميل وصرت في وضع انحيادي
بين تشتيت المشاعر واختلافات السكينه

مطلبي واعظم طموحي منك ياغاية مرادي
ساعةً فيها اشوفك وادري اوقاتك ثمينه
دام حبك وسط صدري ياحبيبي بازديادي
وصار بين في عيوني والاودم عارفينه

المحبه ياحبيبي ماتبي وضع التمادي
من يبين لك غلاه اشبك يدينك في يدينه
انت لو شفت الغياب المر عندك شي عادي
يشهد الله انها ايام طويلات وحزينه

انت وحدك لي طمئنينه واشوف انك بلادي
وانت صدري لك بلاداً ماتناسا ساكنينه
مارضيت اعيش بُعدك حتى لو ترضى ابتعادي
كيف بارضى بابتعادك والغلا حباله متينه

ودي اعيشك عمر واشوف زولك ياضمادي
أنت في قربك نعيم وفرحة العمر وسنينه
فيك ياكثر الجمال وفيك ياطيب المبادي
ما ألوم ولاتلوم القلب لاحطك ضنينه

والله ان مالك شبيه بنظرتي حسب أعتقادي
جل من صور جمالك مع مزاياك الحسينه
معظم احساسي يهيم بصورتك مع كل وادي
لاتخليني وانا اللي طحت في حبك رهينه