انت انت – محمد عبدالوهاب

انت انت و لا انتش داري انت انت نعيمي و ناري

و اللى باحبه برضه انت

انت النار اللي محاوطانى و اللى رضيت بنصيبى فيها

خايف أقول النار كاويانى لأحسن حتى ما اطولش أسيها

حبيتها علشانك انت إكمن النار منك انت

و اللي باحبه برضه انت

انت الآه اللى بغنيها و يغنوها الناس وياي

و كل ما أقولها و أطول فيها ألقى الدنيا قالتها معاي

كان بدى أقولها لك انت و اللى يغنى معايا انت

و اللى باحبه برضه انت

انت انت

كلمة واحدة تريح بالي و تفرح قلبى وياي

لو ترضى يوم و تقولها لى مش حتساع الدنيا هناي

و اليوم ده راح يجى إمتى الكلمة دى هتقولها إمتى

انت انت و لا انتش دارى انت انت نعيمى و نارى

و اللى باحبه برضه انت

انت انت

 

0

كلمات: حسين السيد

ألحان: محمد عبدالوهاب

1948