انتبه لك – بدر العزي

انتبه لك واستر اللي كانت عيونك تشوفه
انتهينا وابتعدنا وراح كل واحد في حاله
والله اني بين نار البعد ومواجه طيوفه
كل ليل يشيل صدري حمل يفوق احتماله

ياعذابي من طيوفه بعد ماجارت ظروفه
انقطع حبل الاماني وانقطع معها وصاله
ليه يتركني وانا اكبر غايتي لمسة كفوفه
ليه يتركني وانا مغرم به لحد الثماله

الجروح تلوف صدري والهموم بلا مروفه
والحنين وباقي الذكرى وشوقي كلها له
لو على صبري نفذ صبري واطول به وقوفه
ولو على دمعي قسم بالله ماغيره جراله

ولو علي اعطيه عمري وارخص الغالي واشوفه
مايرد الروح غير مواصله والا سؤاله
ادري انه لاذكرني قامت همومه تحوفه
ويدري انه محتكر جوفي حلال له لجاله

من بعده انا حزين وسبة احزاني نكوفه
من بعده انا احاول ادله وادري ان ماني بداله
وادري انه مامنعه من المجي ياكود خوفه
كان ودي لو يطمن خافقي منه بالرساله

ماذبحني غير غطرسته وكبره والانوفه
وماكسرني غير كلمه قالها بعد اتصاله
انتبه لك واستر اللي كانت عيونك تشوفه
انتهينا وافترقنا وراح كل واحد في حاله