أنا في وقت احس انّي بحاجة فيه للفرحة
خبر يسعدني او شخصٍ يهمّه يسمع اخباري
وانا لي قلب ياصبره تحمل ضيمه وجرحه
وانا لي بال ياطوله تمكّن يخفي اسراري

وانا اللي نظرة عيونه تموت وماقوت فضحه
ولو دمعي نوى ينزل بنيت بوجهه اسواري
مابين العزه والحاجه وضيقت صدري وشرحه
اموت الفين مره مالقيت لهمي آمداري


مصير القلب لو طوّل ظلامه يلتقي صبحه
وشمسه ماتبقّي من ظلام البارحه طاري
احاول ارمي الماضي وراي واطوي الصفحة
وادوّر للي فات اعذار الين استنزف اعذاري

ولاغير السعادة في ملامح وجهي متّضحه
كأني اسعد العالم وانا ياصعبها اقداري
اموت ومايجي وجهي من الذلّه ولا لمحه
ولو قالولي ياعزّك بقول ايه والله وداري